TÀTARI. Finas in Sardigna cumentzat sa chèscia de sos precàrios de s’iscola: su coordinamentu sardu at ammniadu un’atòbiu a in antis de sa Usp de Tàtari pro denuntziàre irregularidades dende sos incàrrigos de suplentza. S’atòbiu est pro chènàbura 11 de cabidani a sas 10. “non si podet bagiulare chi s’impitent chentinas de faddinas in su contu de sos puntègios – denùntziant sos prof precàrios sardos iscola Sardigna – Sa graduatòria depet assegurare chi sos cuntratos los diant a sos candidados mègius e pro custu non podimus bagiulare chi impreent in antis chi sos puntègios de cada sìngulu candidadu siant compudados e curretos”.

“Amus buscadu chentinas de faddinas in su contu de sos puntègios – denùntziant sos prof sardos – e sunt in suspesu ateretantas rechestas de acessu a so atos chi ant a cajonare curiadas. Sa cunsighèntzia at a èssere chi sos pitzocos ant a dèpere mudare suplente cando s’annu sos puntègios s’ant a averiguare e sas càtedras torradas a assinnare. Non si poet chi a pustis de un’annu iscolàsticu acabbadu cun sa didàtica a distàntzia, e bòidos de prenare in sas connoschèntzis mìnimas, non s’asseguret s’istabilidade didàtica a sos dischentes de s’annu iscolàsticu 2020/2021 chi at a èssere dìlicu meda”.

Su coordinamentu faghet unu apellu finas a genitores e pitzocos a leare parte a s’atòbiu de chèscia “Su chi pedimus – narant est chi sas graduatòrias noas las fatzant provisòrias e curretas in antis de las impitare.Como chi est como intamas s’averiguada de sos tìtulos est prevìdida petzi a pustis de sa firma de su cuntratu de suplentza a òpera de s’iscola chi at a gosare de su servìtziu de su docente. Ma b’at finas chie l’ant esclusu o at bidu ismenguadu meda su puntègiu suo pro neghe de faddinas de su sistema informàticu chi s’est mustradu inafidàbile de su totu. A sos collegas chi ocannu ant a pèrdere su traballu issoro, mancari precàriu, pro neghe de su sistema informàticu no abarrat àteru si non su recursu a su Tar.Cunsiderende chi est istentosu a ismaltire sas deghinas giai depositados nos pedimus cando amus a pòdere tènnere giustìtzia e finas comente depimus campare sas famìlias nostras in s’interis”.